Գլխավոր » «Ակօս». 1915թ.-ի դեպքերը ցեղասպանություն որակող թուրք ուսանողները կարող են զրկվել կրթաթոշակից
«Ակօս». 1915թ.-ի դեպքերը ցեղասպանություն որակող թուրք ուսանողները կարող են զրկվել կրթաթոշակից | 17:45 |
Թուրք պատմագիտական ընկերությունը (TTK) Բարձրագույն կրթական ընկերության միջոցով փորձել է Թուրքիայի համալսարաններից ճշտել Հայկական հարցի վրա աշխատող ուսանողների անունները, նրանց աշխատությունների վերնագրերն ու նրանց հետ կապվելու հնարավորությունները։
Ինչպես տեղեկացնում է «Ակօս» շաբաթաթերթի կայքը, TTK ղեկավար, պրոֆեսոր Մեհմեթ Մեթին Հյուլագյուի ստորագրությունը կրող փաստաթղթում պահանջ է ներկայացվում տրամադրել Հայոց ցեղասպանության մասին բոլոր աշխատությունների հեղինակների տվյալները։
Թե ինչ նպատակով են օգտագործվելու այդ տվյալները, հայտնի չէ։
«Ակօս»-ի հարցին, թե կրթաթոշակ տրամադրելիս ինչ գործոններ են հաշվի առնվում, օրինակ՝ 1915թ.-ը ցեղասպանություն որակող ուսանողներին կրթաթոշակ տրամադրվելու է, թե ոչ, կառույցի պաշտոնյան պատասխանել է. «Մենք՝ որպես կառույց, Հայոց ցեղասպանությունը պաշտոնապես չենք ճանաչել, դրա համար էլ հնարավոր է՝ կրթաթոշակ չտրամադրվի։ Նրանք կարող են դիմել, սակայն հնարավոր է՝ դրական պատասխան չստանան»։
|
|
