Գլխավոր » ԱՐՑԱԽՈՒՄ ԳՐԱՆՑՎԵԼ Է ՆՈՐ ԿՈՒՍԱԿՑՈՒԹՅՈՒՆ
ԱՐՑԱԽՈՒՄ ԳՐԱՆՑՎԵԼ Է ՆՈՐ ԿՈՒՍԱԿՑՈՒԹՅՈՒՆ | 13:20 |
Մայիսի 16-ին, ԼՂՀ իրավաբանական անձանց պետական ռեգիստրը գրանցել է Արցախի տարածքում գործող 11-րդ կուսակցությունը` ազգային ուղղվածությամբ եւ սոցիալ-դեմոկրատական գաղափարախոսությամբ «Ազգային վերածնունդ» կուսակցությունը: Կուսակցությունն ընդդիմադիր է Արցախի իշխանություններին, որտեղ հիմնականում ներկայացված են «Ազատ Հայրենիք», «Արցախի ժողովրդավարական» եւ «Հայ հեղափոխական դաշնակցություն» կուսակցությունների ներկայացուցիչները:
Կուսակցությունը նպատակ ունի Արցախի Հանրապետությունում հասնել իշխանության եւ բիզնեսի տարանջատմանը, հնարավորինս բնապահպանական ուղղվածության տնտեսության ստեղծմանը, գյուղական աղքատության վերացմանն ու գյուղական ենթակառուցվածքների արդիականացմանը, սոցիալական ապահովության նոր համակարգի ստեղծմանը, ապակենտրոնացմանը:
Կուսակցության հիմնադիր համագումարը տեղի էր ունեցել 2013 թ. փետրվարի 24-ին, Ասկերանի շրջանի Խաչեն գյուղում: Մինչեւ կուսակցական բոլոր մարմինների ձեւավորումը կուսակցությունը կղեկավարվի ժամանակավոր վարչության կողմից: Կուսակցության նախագահը Հայկ Խանումյանն է:
|
|
