Գլխավոր » ԱԼԻԵՎԸ ԹՇՆԱՄԻՆԵՐ Է ԳՏՆՈՒՄ ՆԱԵՎ ԵՐԿՐԻ ՆԵՐՍՈՒՄ
ԱԼԻԵՎԸ ԹՇՆԱՄԻՆԵՐ Է ԳՏՆՈՒՄ ՆԱԵՎ ԵՐԿՐԻ ՆԵՐՍՈՒՄ | 22:32 |
2011 թվականի մարտից Ադրբեջանի հատուկ ծառայությունները ձերբակալել են 24 քաղաքացիների, որոնք իբր Ադրբեջանի ներսում քայքայիչ գործունեություն են ծավալել հօգուտ Իրանի։ Ձերբակալվածների դեմ քրեական գործեր են հարուցվել և մեղադրանքներ են առաջադրվել‘ լրտեսության, ահաբեկչության կազմակերպման, անօրինական զենք ձեռք բերելու համար։ Չնայած երկու երկրների միջև բարեկամութան վերաբերյալ պաշտոնական հայտարարություններին, Իրանի և Ադրբեջանի հարաբերությունները շարունակում են լարված մնալ։ Ադրբեջանցիները Սովետական Միության փլուզումից հետո մշտապես զգուշանում են իրենց երկրում Իրանի ազդեցության ընդլայնումից։ Ադրբեջանցի քաղաքական գործիչներն Իրանին մեղադրում են Ադրբեջանում իսլամական ըմբոստություն հրդեհելու մեջ, որը թուլացնում է Իլհամ Ալիևի քաղաքականությունը։ Նշենք, որ Ադրբեջանում Իրանի դեսպան Մոհամադ Բաքեր Բահրամին պարբերաբար հայտարարում է, որ Իրանը չի փորձում միջամտել Ադրբեջանի ներքին հարցերին։ Բաքուն Իրանին մշտապես մեղադրել է նաև Ադրբեջանի Իսլամական կուսակցությանը հովանավորելու մեջ։
|
|
