Գլխավոր » ԻՆՏԵՐՆԵՏԻ ԱՐԱԳՈՒԹՅԱՄԲ ՀԱՅԱՍՏԱՆԸ 79-ՐԴ ՏԵՂՈՒՄ Է
ԻՆՏԵՐՆԵՏԻ ԱՐԱԳՈՒԹՅԱՄԲ ՀԱՅԱՍՏԱՆԸ 79-ՐԴ ՏԵՂՈՒՄ Է | 13:19 |
NetIndex ընկերությունը հրապարակել է Ինտերնետի արագության աղյուսակը: Հայտնի է դարձել, որ աշխարհի 182 երկրների թվում ամենաարագ ինտերնետն ունի Հոնկոնգը։ Այստեղ համաշխարհային ցանցի արագությունը վայրկյանում 46.54 մեգաբիթ է։ Երկրորդը Լիտվան է՝ 37.82 մեգաբիթ/վայրկյան ցուցանիշով: Լավագույն եռյակը եզրափակում է Թայվանը՝ 36.78 մեգաբիթ/վայրկյան ցուցանիշով։ Ամենաարագ ինտերնետն ունեցող երկրների լավագույն տասնյակում հայտնվել են նաև Անդորան (35.41 մեգաբիթ/վայրկյան), Լյուքսեմբուրգը (34.01 մեգաբիթ/վայրկյան), Նիդեռլանդները (32.47 մեգաբիթ/վայրկյան), Հարավային Կորեան (32.12 մեգաբիթ/վայրկյան), Շվեդիան (31.24 մեգաբիթ/վայրկյան), Սինգապուրը (30.84 մեգաբիթ/վայրկյան) և Ճապոնիան (30.70 մեգաբիթ/վայրկյան)։
Իսկ Հայաստանի զբաղեցրած տեղի մասին. Այն գտնվում է 79-րդ հորիզոնականում՝ արձանագրելով 7.23 մեգաբիթ/վայրկյան ցուցանիշ։ Ռուսաստանը գտնվում է 26-րդ հորիզոնականում (19.15 մեգաբիթ/ վայրկյան), Վրաստանը՝ 52-րդ (12.18մ մեգաբիթ/վայրկյան), Թուրքիան՝ 68-րդ (8.17 մեգաբիթ/ վայրկյան), Ադրբեջանը՝ 119-րդ (4.06 մեգաբիթ/վայրկյան), Իրանը՝ 163-րդ տեղում (2.17 մեգաբիթ/վայրկյան)։ Ամենադանդաղ ինտերնետը Մալավիում է, որտեղ դրա արագությունը կազմում է 0.88 մեգաբիթ/վայրկյան։
hayeli.am
|
|
